साजरी भीम जयंती करू
ज्ञानपिपासू युगंधरा च्या
ज्ञानपिपासू युगंधरा च्या
आठवणीला स्मरू
साजरी भीम जयंती करू ।।धृ।।
राष्ट्र कोहिनूर भिमरायाला
सहर्ष देऊ मानवंदना
पाईक आम्ही सदैव त्यांच्या
ध्येय प्रति वावरू
साजरी भीम जयंती करू ।।१।।
संघठीत व्हा शिकुनी सारे
प्रगतीस्तव संघर्ष करा रे
प्रेरक त्यांच्या उपदेशांचा
वसा अंतरी धरु
साजरी भीम जयंती करू ।।२।।
शिल्पकार ते संविधानाचे
उद्धारक ते उपेक्षितांचे
ज्वलंत त्यांच्या राष्ट्रभक्तीची
मशाल हाती धरु
साजरी भीम जयंती करू ।।३।।
ज्ञानपिपासू युगंधरा च्या
आठवणीला स्मरू
साजरी भीम जयंती करू
