जरी संकटाची काळ रात होती
जरी संकटाची काळरात होती ।
तरी भीमराया तुझी साथ होती ।
तुझी तेवण्याची सुरुवात होती ।
प्रकाशात माझी पिढी न्हात होती...।।धृ।।
पालवीत होते प्रकाशाचे गोळे ।
चालवीत होते तुझे दोन डोळे ।
प्रकाशाचे गाणे मनी गात होती ।
अशी फौज माझी पुढे जात होती...।।१।।
गणतीच माझी गुलामात होती ।
जिंदगीच माझी सलामात होती ।
तोडलीस माझी गुलामाची बेडी ।
अशी झुंजणारी तुझी जात होती...।।२।।
मला दावलेली तुझी पायवाट।
झाली आता विकासाची वाट ।
वदे आज वामन कालची तुझी ती
पेरणी उद्याच्या विकासात होती...।।३।।
